FUNNY

Indi, burri djeg nënë e bijë, donte djalë

ksdardania — Sun, 02 Feb 2014 06:50:34 GMT

Një nënë e re indiane është djegur deri sa ka vdekur nga bashkëshorti i saj, pasi, sipas tij, ajo kishte dështuar në përmbushjen e kërkesave dhe nuk kishte sjellë në jetë një fëmijë të seksit mashkull.
Policia e qytetit lindor të Indisë, Jharkhand u shpreh se 22 vjeçarja Annu Devi u dogj gjatë momentit që po i jepte gji fëmijës së saj. Në pranga është vënë burri, Gunjan Masat, i cili kishte hedhur lëndën djegëse me vetëdije mbi nënë e bijë dhe më pas i kishte vënë atyre flakën.
Një i afërm është shprehur në polici se Masat donte patjetër një djalë. "Devi nuk mundi të lindë djalë. Nuk ishte faji i saj. Ai e torturonte dhe e rrihte atë çdo ditë, derisa vendosi t’i marrë dhe jetën”, shprehet Rana.
Sipas saj, kishte ditë të tëra që ai po planifikonte ta digjte, e madje ia kishte thënë shumë herë. "Ajo jetonte e frikësuar dhe nuk kishte asnjë mbështetje”, përfundon dëshmia.

Kroaci, në automjet gjenden të fshehura 4.75 mln euro

ksdardania — Fri, 29 Nov 2013 08:38:13 GMT

Në një automjet me targa sllovene janë gjetur të fshehura rreth 4.75 milionë euro. Policia kufitare kroate e ka gjetur këtë shumë parash në bagazhin e automjeti, i cili po udhëtonte për në Serbi.
DPA bën me dije se policia ka arrestuar drejtuesin e automjetit, i cili është një shtetas serb.
Sipas burimeve vendase, paratë janë gjetur gjatë një kontrolli rutinor në Tovarnik.

Zbulimi shkencor, zemra e dy te dashuruarve rreh njësoj

ksdardania — Thu, 14 Feb 2013 14:56:55 GMT

Dy trupa dhe vetëm një rrahje zemre. Vjen enkas për Shën Valentin zbulimi i fundit shkencor, që zbulon një detaj kurioz të jetës në çift. Zemra e të dashuruarve, bashkëshortëve, apo të fejuarve, pulson me të njëjtin ritëm. Madje po e njëjta gjë ndodh edhe me frymëmarrjen, që kryhet në unision. Kjo është zbuluar nga studimi i ri i kryer nga Universiteti i Kalifornisë, nën udhëheqjen e Emilio Ferrer dhe ku kanë marrë pjesë 32 çifte në marrëdhënie romantike. Pikërisht, ato janë lidhur me disa instrumente speciale, me një distancë prej vetëm 1 metri larg njëri-tjetrit. Totalisht të çlodhur dhe pa folur, çifteve të vullnetarëve ju mat tensioni, rrahjet kardiake dhe ritmi i frymëmarrjes.
Si përfundim doli se rrahjet kardiake të anëtarëve të të njëjtit çift ishin në unison, po ashtu si edhe për frymëmarrjen. Për të qenë të sigurtë për rezultatet, shkencëtarët shkartisën çiftet, duke i ulur përballë njerëzish që nuk ishin partnerët e tyre. Kështu, kur dy individët e gjinisë së kundërt nuk ishin anëtarë të të njëjtit çift, rrahjet kardiake nuk ishin në sinkroni. "Testet evidentojnë se lidhja mes dy njerëzve nuk është vetëm emotive, por edhe reale dhe fiziologjike", ka komentuar profesor Ferrer. Jo vetëm kaq, por femrat kanë shfaqur edhe një prirje për të rregulluar frymëmarrjen dhe rrahjen e tyre kardiake, në krahasim me mashkullin. "Ndoshta është një shenjë që gratë përshtaten më shumë me partnerët e tyre", ka shpjeguar raporti i publikuar në "Journal of Psychophysiology".

Ish-njeriu më i shëndoshë në botë fillon ushtrimet

ksdardania — Tue, 08 Jan 2013 13:37:25 GMT

Ipswich(Angli), 8 janar- Ish-njeriu më i shëndoshë në botë Paul Manson, për herë të parë filloi ushtrimet në palestër për të humbur peshë."Supertrashaluqi”, që ka humbur 45 kilogram duke ushtruar katër herë në javë tani kërkon që të kthejëtrupin e tij në formë.Paul 51 vjeç ka provuar të hënën pajisjet në fituesin që gjendej afër shtëpisë së tij në Ipswich, Suffolk por njeriut që han 20 mijë kalori gjatë ditës i duhet leja nga doktori i tij që të regjistrohet në fitnes. "Jam i sigurt që ai do t`më lejojë. Ndjej se brenda kam një trup shumë të mirë”, ka thënë Manson.Atij i duhen 30 mijë funte për të larguar "lëkurën e vdekur”.

Honduras, sekuestrohet kallashnikovi i artë

ksdardania — Tue, 08 Jan 2013 13:33:15 GMT

Autoritetet në Honduras kanë sekuestruar një armë automatike të tipit Kallashnikov, i tëri në ar, i zbukuruar me gurë të çmuar dhe me karikatorë prej argjendi.Sipas policisë, arma mendohet të ketë një vlerë prej rreth 50 mijë dollarë dhe besohet se i përket një bosi të drogës.Në aksionin e ndërmarrë policia gjeti edhe mbi 30 armë të tjera, mes të cilave automatikë, granatahedhës, pajisje për vëzhgim gjatë natës, bajoneta dhe qindra municione.Autoritetet lokale thanë se arma e larë në ar ka një emër të gdhendur që lidhet me organizatën kriminale Malverde, që dyshohet se është e lidhur me kartelin meksikan Los Zetas.
Hondurasi ka kuotën më të lartë të vrasjeve në botë, me 92 raste për 100 mijë banorë të verifikuara në vitin 2011, sipas OKB-së.

Kandile gjigante pushtojne Japonine

ksdardania — Fri, 28 Dec 2012 12:56:05 GMT

Kandile deti gjigant, me diameter mbi dy meter dhe me peshe mbi 136 kg, kane sulmuar serish brigjet e Japonise. Invazione te tilla te meparshme nga jovertebroret kane demtuar shume industrine e peshkimit ne vend. Kandilet jo vetem shkaterrojne rrjetat e peshkimit por edhe demtojne vete peshqit duke i sulmuar ata me tentakulat e tyre helmuese.

Lista e njerezve me te pasur ne bote per vitin 2012

ksdardania — Fri, 28 Dec 2012 12:51:31 GMT

Më i pasuri është një emër jo fort i njohur, si Carlos Slim Helu, i cili me familjen e tij ka një pasuri prej 69 miliard dollarësh.Viti 2012 është drejt fundit dhe është kohë bilancesh në të gjitha fushat. Edhe porsa i takon njerëzve më të pasur të botës regjistrohen risi të spikatura, sipas vlerësimeve të bëra nga revista ekonomike "Forbes”.Më i pasuri është një emër jo fort i njohur, si Carlos Slim Helu, i cili me familjen e tij ka një pasuri prej 69 miliard dollarësh. Ai është një sipërmarrës meksikan në fushën e telekomunikacioneve. Bëhet fjalë për njeriun më të rëndësishëm në Amerikën e Jugut, pasi kontrollon tre nga kompanitë më të mëdha të telekomunikacionit, si "Telmax”, "Telcel” e "America Movil”. Në vendin e dytë është Bill Gates, i cili prej shumë vitesh është në "top-10”. Pasuria e kreut të Microsoft është 56 miliard dollarë. Në vendin e tretë është një tjetër amerikan, i cili quhet Warren Buffett dhe gëzon një pasuri prej 44 miliard dollarësh. Eshtë ai pronari i "Berkshire Hathaway”, një industri tekstile që e bleu kur ishte në krizë. Tani, kompania e tij ka blerë edhe dy firma të tjera sigurimesh dhe në këtë sektor është më i rëndësishmja.
Në vendin e katërt është Bernard Arnault, sipërmarrës francez që ka në pronësi grupin luksoz "LVMH”. Pasuria e tij vlerësohet rreth 41 miliard dollarë. Në vendin e pestë renditet Amancio Ortega, pronar spanjoll i Zaras, dyqaneve të veshjeve që janë të pranishëm në të gjithë botën. Pasuria e tij shkon në 37.5 miliard dollarë.

E pabesueshme, luan ping-pong pa duar! (+VIDEO)

ksdardania — Thu, 20 Dec 2012 14:46:53 GMT

Pamjet që do shohim në vazhdim duken të pabesueshme, pasi shtetasi i Egjiptit, Ibrahim Elhuseni, tregon se s’ka limit në dëshirën për të bërë sport, duke luajtur ping-pong edhe pse nuk i ka të dyja duart. Sporti që në gjithë botën luhet me duar, kësaj rradhe sjell dimension tjetër, pasi Elhuseni e luan me gojë. Fakti që ka të dyja duart e prera, nuk ka zvogëluar dëshirën e tij për të luajtur sportin e preferuar. Vërtet pamje interesante, që tregojnë se vullneti tejkalon çdo pengesë.

Kodra bie mbi trenin me ngarkese kimike, panik në Everett (+VIDEO)

ksdardania — Thu, 20 Dec 2012 14:35:16 GMT

Vërtet kurioz filmimi i realizuar në zonën e Everett (Washington), ku një copë e konsiderueshme toke u shkëput nga gati 30 metra dhe ka rënë mbi një tren mallrash me ngarkesë kimike të një kompanie në Santa Fe, duke e rrokullisur e shkatërruar krejt papritur. Një dëshmitar, ai që edhe e ka filmuar skenën, shikoi kodrën teksa binte: "Goditi fillimisht vagonin e parë dhe ai u rrokullis, ndërkohë që edhe vagonë të tjerë vazhduan të përmbysen. Pati një zhurmë të tmerrshme, teksa gjithçka ndodhi fare ngadalësisht".

Hajduti hyn ne shtepine e nje boksieri dhe rrihet keq

ksdardania — Thu, 20 Dec 2012 14:29:19 GMT

Jonathan Wise, nje 19 vjecar nga Oklahoma eshte arrestuar nga policia vendase per vjedhje. Djali eshte futur fshehurazi ne nje shtepi po me shume mundesi nuk kishte informacion se kush ishte pronari dhe a ishte ne shtepi ne ato momente...
Ai ishte nje instruktor kick-boksi qe pasi degjoi nje zhurme ne garazh, u ngrit dhe shkoi per te pare cfare po ndodhte dhe kur pa Jonathan shkoi te perballej me te. Ne fillim hajduti i kerkoi falje dhe i tha te shperblente demet qe kishte shkaktuar, por kur Norm e pranoi ndjesen dhe ruajti distance, Jonathan shkoi dhe i gjuajti me grusht ne fytyre.
Ne ate moment u ndez inati i instruktorit qe e beri cope cope. Ai u mor ne rajon nga agjentet e policise dhe i kishte syte e nxire, hunden e thyer dhe shume plage ne trup.

Ujq me kokë të zezë në Lekas të Korçës

ksdardania — Thu, 20 Dec 2012 12:20:27 GMT

Tufa ujqish janë shfaqur në një nga komunat malore të Korçës, duke vrarë jo vetëm bagëti të imta, por edhe të trasha.Madje, shfaqja e ujqërve në këtë stinë dimri po kërcënon edhe banorët e mbetur atje. Të kërcënuar ndihen edhe ata që shkojnë përkohësisht. Dukuria e pazakontë që po shënohet në fshatra të Komunës së Lekasit, konfirmohet nga banorët e zonës, të cilët shprehen se ujqërit lëvizin me tufa.

Rreziku nga ujqërit

"Vitin e kaluar janë regjistruar disa raste të dëmtimit të lopëve nga ujqërit, por edhe këtë stinë dimri po vërehet e njëjta dukuri”, thotë Leko Kreka, një banor i zonës së Oparit. Sipas tij, Komuna e Lekasit përfshin dhjetë fshatra dhe banorët e mbetur jetojnë vetëm me rritje bagëtish. I kthyer këtë fillimjave nga vendlindja e tij, ai tregon se më shumë sesa problemet shëndetësore për të moshuarit e zonës nga bllokimi disaditor i rrugës prej reshjeve të dëborës dhe ngricave, i ka shqetësuar kërcënimi i ujqërve. "Nuk guxon kush që të udhëtojë i vetëm në fshatra të zonës së Lekasit, sepse sulmojnë ujqërit që prej kohësh kanë vrarë edhe lopë”, thotë banori i kësaj zone, i cili ka vizituar vendlindjen për gjah në këtë stinë dimri me dëborë. Ai shtoi se një kope ujqish prej 6 kafshësh të egra, qarkullon në fshatra të Komunës së Lekasit, si Tudasi, Marjani etj., duke dëmtuar bagëtitë dhe madje duke u afruar edhe shumë shtëpive të banorëve atje. "Vitin e kaluar ka qenë një kope ujqish, por një prej këtyre kafshëve të egra u vra dhe tufa u zhduk. Këtë dimër po na kërcënon kopeja e ujqërve të tjerë”, thotë Kreka. Sipas tij, rreziku që vjen nga kjo kope ujqish nuk është as nga shterimi i ushqimit të tyre, sepse në këtë zonë malore të Rrethit të Korçës ka ende pyje, dhe as nga mungesa e ushqimit për egërsirat. "Nuk është parë deri më tani që ujku të sulmojë mbi lopët. Kjo po ndodh këto dy vitet e fundit, kur bagëtitë e trasha që nxjerrin banorët e fshatrave të Lekasit për kullotë, sulmohen nga ujqërit në mëngjes herët apo në mbrëmje kur i kthejnë nga kullota. Ujku është një kryehajdut dhe di kur e ku të sulmojë”, shton banori i zonës, shkruan sot gazeta Shqip.

Më e çuditshmja, sipas tij, është se në këto vitet e fundit janë parë ujqër që ndryshojnë shumë nga tiparet prej atyre kafshëve të egra dhe të të njëjtit lloj që kanë qenë të pranishëm në pyjet e kësaj zone. "Ujk me kokë të zezë ne nuk kemi parë ndonjëherë. Ujk që të sulmojë jo vetëm dhentë dhe që nuk trembet më nga qentë që ruajnë kopenë e tyre, por edhe lopët, nuk kishim parë deri tani. Ata banorë që janë ende atje, tashmë kanë frikë se ujqërit do t’u shkojnë edhe në shtëpi”, thotë Kreka. Në të gjithë këtë situatë që zotëron tashmë fshatrat e Komunës së Lekasit, sipas disa banorëve të zonës po ndodh diçka e pazakontë. Sipas tyre, nuk është thjesht stina e vështirë e dimrit, rrafshimi i pyjeve dhe gjuetia që i bën ujqërit të sulmojnë kafshë nga më të ndryshmet, por edhe krijimi i një race të paparë më parë të kësaj egërsire. Vetë banorët, ndërsa tregojnë se kanë ndeshur në ujq me kokë të zezë që nuk i kanë parë vitet e tjera, shtojnë në rrëfimet e tyre se kanë dëgjuar për zhdukjen e një rezervati të këtyre kafshëve diku në Greqi dhe ardhjen prej andej të egërsirave të mbijetuara. Banorët mendojnë se me ardhjen e racave të tjera të ujqërve nga ajo që njihet si habitat apo zonë e ekzistencës së tyre, mund të ketë pasur një ndërthurje të racave të ujqërve andej e këtej kufirit, por edhe me raca të qenve të staneve. Sido që të jetë, ajo që duket më e habitshme për banorët e fshatrave malore të Komunës së Lekasit, është fakti se po ndeshin në ujqër që presin jo vetëm kope të dhenve, por më së shumti tufa të vogla lopësh, duke vënë në alarm edhe vetë njerëzit e paktë të këtyre fshatrave, që detyrohen të qarkullojnë në dimër, si dhe persona që preferojnë gjuetinë gjatë kësaj stine në këtë trevë.

E cuditshme por e vertete,nje kartoline urimesh arrin ne destinacion pas ...

ksdardania — Wed, 19 Dec 2012 12:27:46 GMT

Vonesa 71 vjeçare në dorëzimin e kartolinës u shpjegua me faktin se rezistenca britanike kishte sekuestruar kutinë që përmbante postat e ushtarëve, dhe kjo kuti u postua në mënyrë anonime vetëm së fundmi.NOAVonesa 71 vjeçare në dorëzimin e kartolinës u shpjegua me faktin se rezistenca britanike kishte sekuestruar kutinë që përmbante postat e ushtarëve, dhe kjo kuti u postua në mënyrë anonime vetëm së fundmi.NOA

Shqiponja qe perpiqet te rrëmbejë beben...(+VIDEO)

ksdardania — Wed, 19 Dec 2012 12:26:15 GMT

Tentativa e shpendit për të rrëmbyer nga karroca një fëmijë, por për fat i shpëton nga kthetrat.Një video e postuar në rrjet shfaq tentativën befasuese të një shqiponje në Kanada për të rrëmbyer nga karroca një fëmijë, që për fat i shpëton nga kthetrat, pasi kishte marre fluturimin. Kaq është dashur që nëna e fëmijës, e cila kishte dalë për të shëtitur në një park me gjelbërim, të përjetonte çaste të frikshme. Por fatmirësisht, gjithçka është mbyllur pozitivisht.

Një polic amerikan e vret para pragut të shtëpisë +18 (+VIDEO)

ksdardania — Sat, 15 Dec 2012 13:26:10 GMT

Vetëm një ditë pasi polici James Moody u lirua nga fajësia dhe u rikthye në shërbim aktiv, doli në publik incizimi ku shihet se i ku "ruajtës i rendit” me 11 plumba nga revolja e tij zyrtare ka vrarë Ernesto Duenez Jr. (34) para shtëpisë së tij. Polici gjatë hetimeve mbrohej se ka shtënë drejt Duenezit duke menduar se ai ka pasur pranë vetes thikë, por familja e të vrarit pohoi se ai ka qenë i paarmatosur dhe ka insistuar që Moody të akuzohet për vrasje. Incizimin e vrasjes, që më 8 qershor të këtij viti e kishte bërë kamera e automjetit patrullues policor, e tregoi avokati i Duenezit, i cili në konferencën për shtyp këtë të mërkurë në Ockland të Kalifornisë, shfaqi videon ku shihet që policia e priste Duenezin të arrijë nga një vizitë në shtëpi, pasi kishte marrë lajmërimin për dhunë në familje. Në afat prej vetëm 4.2 sekondave polici kishte shkrepur drejt të dyshuarit 14 plumba, 11 që e kanë goditur në trup, dhe katër plumba që u shkrepën pasi i vrari qe shtrirë për toke. Ekspertët që e kanë shikuar incizimin thanë se në fillim vërtetë dukej sikur Duanez mbante thikë në dorë, por thika u gjet në dysheme të automjetit. Me rastin e ekspertizës është konstatuar që Duenezit i ishte ngatërruar këmba në rripin e sigurisë të kamionetit, kurse se si ka arritur thika në dysheme të automjetit nuk dihet. Duenez ishte i njohur si anëtar i një bande, në atë kohë gjendej në liri me kusht, dihej se barte thikë dhe se kishte revole, andaj është konsideruar i armatosur dhe i rrezikshëm.

Blerja përmes internetit nga dyqanet amerikane më e arritshme për konsumatorët e Maqedonisë

ksdardania — Sat, 15 Dec 2012 12:40:43 GMT

Falë partneritetit të këtyre dy kompanive shfrytëzuesit e Viza edhe në Maqedoni do të kenë mundësi të zgjedhin pagesë me kartelë Viza sipas zgjidhjes personale.Kompanitë Viza dhe My.US.com dakorduan partneritet që do të mundësojë blerje më të lehtë përmes internetit dhe dërgesës së prodhimeve deri te blerësit jashtë SHBA-së, duke i përfshirë edhe nga Maqedonia.Në rrugë të servisit personal për dërgesë, kompania për dorëzim të dërgesave My.US.com ju siguron konsumatorëve ndërkombëtar qasje edhe në dyqanet amerikane të cilët nuk kanë mundësi për dërgesë tejoqeanike ose nuk pranojnë kartela pagesore jo amerikane. Falë partneritetit të këtyre dy kompanive shfrytëzuesit e Viza edhe në Maqedoni do të kenë mundësi të zgjedhin pagesë me kartelë Viza sipas zgjidhjes personale.

Sipas Biljana Petrushevska-Trajkovska, menaxhere e Viza për Maqedoninë, ky partneritet do të vlejë për shfrytëzuesit e kartelave pagesore Viza në vend mundësi për blerje në fundin tjetër të botës.

"Blerja përmes internetit e ka hapur tregun global, ndërsa mundësia për blerje të markave të larta amerikane me dërgesë të më shumë se 200 vendeve është veçanërisht tërheqëse për konsumatorët. Hulumtimi i kompanisë Viza tregon se 25 për qind e të anketuarve mendojnë për shfrytëzimin e shërbimeve të cilat ua kanë lehtësuar blerjen në tregjet tejoqeanike në 12 muajt e ardhshëm", theksoi Pol Jang, përgjegjës në Viza e- tregti për territorin e Azisë dhe Pacifikut, Evropës Qendrore, Lindjes së Afërt dhe Afrikës.

Majkl Çalub, drejtor financiar në My.US.com i suguron konsumatorët për sigurinë e pagesës. "Viza është partner ideal pikërisht për atë që mundëson siguri gjatë pagesës për shërbimet", potencon ai.